Bezvremenski… Kobi… Brajant…

Tog 26. januara, prije tri godine, svijet je na trenutak stao. Skoro svi se sjećamo momenta kada je odjeknula vijest da Kobi Brajant više nije sa nama.

Kobi Brajant, simbol košarke, životna inspiracija, motiv da nikada ne odustanemo, razlog da napredujemo, vjerujemo u sebe i pomjeramo granice.

Mamba je dokaz uspjeha. Da, nerealan je osjećaj biti najbolji, ali šta to donosi? Koje su posljedice? Koliko je zapravo trnovit put?

Košarka je uvijek bila dio njegovog života. U mladosti se mogao prepoznati talenat koji Mamba posjeduje. Mamba završava srednju školu i dobija nagradu za najboljeg strijelaca Južne Pensilvanije. To je samo mali dio, jer kreće njegov razvitak u najjačoj košarkaškoj ligi. Kobi Brajant je najmlađi startet utakmice i najmlađi igrač koji je igrao NBA utakmicu.

To je početak legendarnog Kobija.

Biografija je, kao što znate, bogata. Svi uspjesi, priznanje, medalje, oboreni rekordi, postavljene nove granice i ciljevi dio su onoga što Mamba predstavlja.

Dragi Kobi, čak i tri godine kasnije, ne možemo da prihvatimo da nijesi sa nama, iako dobro čuvamo uspomenu na tebe. Još uvijek se čuju klinci kako izgovaraju tvoje ime na košarkašim terenima. Još uvijek si asocijacija da granice ne postoje i da je sve moguće. Dokaz si da se rad i disciplina uvijek isplate. Vječni podsjetnik da vjerujemo u sebe.

Rest at the end, not in the middle.

Čuvena priča, legende ne umiru potvrđena je tvojim odlaskom. Znam da si ponosan kada vidiš da svima kojima si bio uzor dostojno čuvaju sjećanje na tebe.

Privilegija je bila pratiti tvoj ples na terenu. Buduće generacije će ostati uskraćene gledanja vanserijskog talenta. Nižu se novi uspjesi i rekordi. Godine donose neke nove klince, samo tebe ništa ne mijenja. Nepomični tvoj trag ostaje.

Ti si košarka. Ti si sve što jedan sportista treba da bude. Ti si pokazatelj da bez obzira na povrede, padove, prepreke predaja nije opcija. Ti si asocijacija na ljubav oca prema kćerkama. Svu toplinu koju taj poseban odnos predstavlja. I hvala ti za sve. Znam da vidiš našu zahvalnost i trud da dostignemo bar mali dio Mamba mentaliteta.